Hræðsluáróður sem þarfnast nánari skýringa

Það er einkum tvennt sem ég hegg eftir í þessari frétt.

Í fyrsta lagi þá er Jóhanna látin komast upp með að útskýra ekki frekar hvers vegna lánið frá AGS mun tefja uppbyggingu efnahagslífsins. Hvað á hún við þegar hún segir að "endurskipulagingu bankanna og lækkun stýrivaxta í uppnámi vegna tafarinnar".

Ég veit ekki betur en að það sé krafa frá AGS að halda vöxtum háum og þrátt fyrir að lánið yrði afgreitt þá hefur ekkert komið fram sem styður það að sú stefna AGS breytist, hvort sem lánið verður afgreitt eða ekki. Þar fyrir utan er ekki ljóst hvað Jóhanna ætlar að gera við lánið ef (þegar) það verður afgreitt. Í fjölmiðlum hefur það komið fram að tilgangurinn sé ekki að styrkja gengið (með því að kaupa krónur á markaði og nota lánið til þess). Hvað ætlar hún þá að gera við peningana? Miðað við núverandi stefnu AGS mun henni ekki leyfast að nota peningana til fjárfestinga því stoppa þarf fyrst í fjárlagahallann sem Jóhanna er að gera með hækkun skatta og uppsögnum (eða skertu starfshlutfalli) í heilbrigðis- og menntakerfinu.

Og hvernig er endurskipulagning bankanna í uppnámi? Eru lánadrottnar ekki að fara að taka yfir bankana eins og fram hefur komið í fjölmiðlum undanfarið? Af hverju þarf ríkið að taka lán til þess að það megi gerast?

Hitt málið varðar Icesave og eftirfarandi málsgrein (undirstrikun höfundar):
"“It’s imperative that the IMF and the Nordic countries agree that an agreement between the coalition parties on passing the bill is enough for the disbursement of the second part of the IMF loan,” she said."

Hvaða lög (bill) er hún að vitna í? Ætlar hún að leggja fram frumvarp til Alþingis um samþykkt Icesave án fyrirvaranna sem settir voru um daginn? Ef svo er, eins og ráða má af þessum orðum, þá er það grafalvarlegt mál sem mun skaða hagsmuni landssins til mjög langs tíma. Vonandi er henni ekki alvara með þessu.

 

Bloomberg frétt

Jóhanna: Þolinmæðin á þrotum